منتدى اسلامي عام لأهل السنة والجماعة ويبحث في الفتن الحالية والمستقبلية وظهور المهدي وتحفيظ القرآن الكريم
 
الرئيسيةالتسجيلدخول
                                                                                               
                                                                                                                                                                                             
                                
   
 
                                                                                                                                                                                                                                                                                                          

شاطر|

لما ربنا بيأذن النصيب بيجي بس انت إلي بتختاري طريقة الوصول له

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
اسماء
اعضاء مؤسسين
اعضاء مؤسسين


الجنس : انثى

عدد المساهمات : 19698


المشاركة رقم 1 موضوع: لما ربنا بيأذن النصيب بيجي بس انت إلي بتختاري طريقة الوصول له الجمعة 19 أغسطس 2016, 1:12 pm

ف بنت منتقبه كانت معايا زمان ف حلقه القرآن .. البنت دى اتجوزت بطريقة ملفته للنظر شويه ،

كانت خارجه مع واحده صاحبتها بيشتروا لبس .. المهم لقت نفسها عطشانه جدا وقصادها مسجد ..
دخلت فعلا المسجد ف المكان المخصص للنساء .. رفعت النقاب .. شربت .. و بتقدير ربنا كان ف ست كبيره واقفه ف نفس المكان .. راحت سألتها علطول كدا بدون اى مقدمات انتى مخطوبه يا بنتى ؟
قالت لها .. لا .. خلال 3 دقايق بالظبط خدوا ارقام بعض .. اتواصلوا مع بعض .. خلال 6 شهور البنت دى كانت متجوزه من ابن الست اللى شافتها وهى بتشرب ..

اه والله حصل .. و بأبسط من كدا لما ربنا بيأذن النصيب بيجئ ،

انا شوفت مشهدين آثروا فيا جدا جدا جدا الفتره اللى فاتت .. و دعيت لنفسى كتير بالثبات وانى ربنا يعصمنى من شر نفسى و من شر الصحبه الفاسده و يرزقنى الإيمان الكامل؛

1) شوفت المنتقبه اللى كانت الى حد كبير ملتزمه فعلا وعاقله .. شوفتها لما سنها وصل لل 30 من غير ارتباط .. والوسط المحيط بها بيزن عليها انها تقلع النقاب لانه هو العائق بينها وبين الزواج !
زن .. زن .. زن .. زن !
مره ف مره ف مره .. للاسف سمعت كلامهم
قلعت النقاب وكشفت وشها عشان تتجوز ولبست عبايات واسعه وطرح .. و اتجوزت يا زينب ؟
ابدا والله ..
التطور اللى بعد كدا .. قلعت العبايات الواسعه ولبست جيبات ضيقه وتى شيرتات ضيقه وفساتين ضيقه .. واتجوزت؟
لسه ..
المرحله التالته .. بناطيل وبديهات وحجاب ملوش لازمه .. ميك آب كامل .. برفانات وهى خارجه .. و اتجوزت يا زينب ؟
لسه والله ..

2) المشهد التانى .. البنت الجدعه المحترمه المحجبه حجاب بسيط .. اللى كانت بتتعامل مع زملائها الشباب بجديه و ف حدود المصلحه من غير اى تهريج او مرقعه او دلع ، و نفس القصه والله .. اصدقاء الشر مسكوها .. انتى ناشفه كدا ليه ؟
ما تدلعى مع الشباب شويه كدا ؟
دول عايزين يرتبطوا بكى بس خايفين منك ؟
خليكى ناصحه اللى اصغر منك اجوزوا وانتى خايبه ؟
زن .. زن .. زن ..
و للاسف ف الاخر .. بقت تهزر مع الشباب بالإيد والضرب والهمس وو
واتجوزت ؟
ابدا والله ولا حد عبرها !

كل واحده فيهم خسرت احترامها لنفسها ..
خسرت احترام الناس لها .. وما حققتش اللى هى عايزاه !!

لو كل واحده استعانت بالله وفكرت بعقلها مكنتش اهانت نفسها كدا ابدا ..

الممثلات الجميلات .. ما بيتجوزوش بسهوله ليه عل الرغم انهم عريانين علطول ؟
عل الرغم من جمالهم وجمال اجسامهم ؟
يعنى الموضوع مش بالجمال ولا بالتهريج اهوه !
المسيحيات واليهوديات والملحدات اللى كفروا بالله .. تلاقيهم متجوزين ومخلفين !

يعنى ف الاخر الموضوع رزق ..
و ربنا تعالى ضمن الرزق للمسلم والكافر والملحد ..

الواحد يتقى ربنا ويصبر وهيلاقى خير كتير ف الدنيا والاخره ..
بدل ما يهزأ نفسه ويهين نفسه ومش هيأخد غير المقسوم ..

احد السلف كان بيقول ( لو ان العبد ف جحر لاتاه رزقه كما يأتيه آجله )

*تبقى قاعده ف بيتك ولا بتخرجى ولا بتروحى ولا بتشوفى فلان ولا قابلتى علان ولا ولا ولا ولا و ربنا يسوق لك رزقك لحد عندك .. بكن فيكون !
* تبقى بتخرج و محزق وملزق واختلاط بطوب الارض و ربنا مش كاتب لها زواج .. !

وعزتى وجلالى لأرزقن من لا حيله له حتى يتحير اصحاب الحيل ..
محدش يعمل ناصح عل ربنا ف اى امر كان Smile
زواج .. شغل .. مال .. منصب .. ف اى امر كان !
الملك ملكه سبحانه .. والامر امره .. وخزائن السموات والارض ف أيده ..
اذا كانت واحده قلعت و لازقت واتجوزت ف الاخر .. فهى اتجوزت فعلا عشان اساسا ربنا كاتب لها كدا .. ولو كانت احترمت نفسها كانت بردو هتتجوز بس هى اللى اختارت الطريقه !

** اوعى تفتكرى انى زميلتك اللى لفت عل فلان و اتزينت لفلان .. وعلقت فلان بها .. وف الاخر اتجوزتوا .. هى اتجوزتوا عشان افعالها دى ؟
لا .. هى اتجوزتوا عشان ربنا كاتب لها من الاول انه نصيبها ..
و لو كانت اتقيت وصبرت كانت هتتجوزه هو هو بس بطريقه افضل من دى ..بس هى اللى اختارت ،
النصيب مضمون .. بس انت اللى بتختار طريقه الوصول له .. !

اللى نفسه ف امنيه معينه يستعين عل قضاءها بطاعه ربنا ..
يستعين عل قضاءها بترك ذنوب الخلوات ..
يستعين عل قضاءها برد المظالم لاصحابها ..
يستعين عل قضاءها بالدعاء والاستغفار والتوبه والصدقات ..

والاهم انه يعلم يقينا ان ما عند الله لا ينال الا بطاعته ..

اخيرا .. ولا تتبعوا خطوات الشيطان .. هتتنازل مره هتأخد عل التنازلات ..
اصحابك لهم تأثير مباشر عليك ..

نسأل الله الثبات .

#منقول


أسماء عندما أراكي وكأنني لا أستطيع نزع عيني من عينيك ،

وكأنك تشتدي وثاقي كي أكون معك دائماً وابدا 

الرجوع الى أعلى الصفحة اذهب الى الأسفل
متصل
ليان
كبار الشخصيات ومستشارة لشئون الادارة
كبار الشخصيات ومستشارة لشئون الادارة


الجنس : انثى

عدد المساهمات : 20572


المشاركة رقم 2 موضوع: رد: لما ربنا بيأذن النصيب بيجي بس انت إلي بتختاري طريقة الوصول له الأحد 21 أغسطس 2016, 12:43 pm



الرجوع الى أعلى الصفحة اذهب الى الأسفل
اسماء
اعضاء مؤسسين
اعضاء مؤسسين


الجنس : انثى

عدد المساهمات : 19698


المشاركة رقم 3 موضوع: رد: لما ربنا بيأذن النصيب بيجي بس انت إلي بتختاري طريقة الوصول له الأحد 21 أغسطس 2016, 1:37 pm

شهد كتب:


أسماء عندما أراكي وكأنني لا أستطيع نزع عيني من عينيك ،

وكأنك تشتدي وثاقي كي أكون معك دائماً وابدا 

الرجوع الى أعلى الصفحة اذهب الى الأسفل
متصل
لما ربنا بيأذن النصيب بيجي بس انت إلي بتختاري طريقة الوصول له
استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفتن  :: المنتديات العامة :: المنتدى العام-
لوحة الشرف لشهر نوفمبر 2016
352 عدد المساهمات
301 عدد المساهمات
129 عدد المساهمات
78 عدد المساهمات
34 عدد المساهمات
12 عدد المساهمات
9 عدد المساهمات
4 عدد المساهمات
3 عدد المساهمات
2 عدد المساهمات
جميع الحقوق محفوظة
جميع الحقوق محفوظة لـكل مسلم
منتديات الفتن® www.alfetn.org
حقوق الطبع والنشر © 2016

منتدى الفتن