منتدى الفتن

منتدى اسلامي عام لأهل السنة والجماعة ويبحث في الفتن الحالية والمستقبلية وظهور المهدي وتحفيظ القرآن الكريم
 
الرئيسيةالتسجيلدخول


شاطر|

وثائق ويكليكس

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
أيم الله
عضو متألق
عضو متألق


الجنس : ذكر

عدد المساهمات : 1163



المشاركة رقم 1 موضوع: وثائق ويكليكس السبت 05 ديسمبر 2015, 2:10 am

عصام حجي...السفيه قليل اﻷدب
من حوالي 20 سنة..كان معيد فى جامعة القاهرة "كلية العلوم_قسم الفلك" جت له منحة لفرنسا ..فراح منطقة التجنيد التابع لها يقدم علي تأجيل لمدة 6 شهور عشان المنحة متروحش عليه..
وﻹنه كان "بيتهته"..فرئيس منطقة التجنيد استهزأ بيه وقاله "آه يعني شغلتك تمشي ع السحاب والكواكب"..وقام محوله للجنة طبية للكشف عن سلامته العقلية..
فكان رد اللجنة الطبية بإنه "غير لائق نفسيا وذهنيا"..بلغتنا مجنون يعني وبالتالي تم استبعاده من الجيش وراحت عليه المنحة..
كان بيشتغل ديليفيري براويز..بعد شغل الجامعة وكان خاطب بنت وما كان من والد البنت إلا إنه فسخ الخطوبة "ﻹنه مالوش مستقبل"..رغم إنه كان معيد
كان له صديق من جيبوتي طلب منه إنه يروح معاه للسفارة الفرنسية عشان يقدم ف المنح اللي بتقدمها الجامعات اﻹقليمية الفرنسية فالموظف هناك قاله قدم مع زميلك وكدا كدا المنحة مش هتجيلكم إنتم اﻹتنين بس ع اﻷقل تعملوا حاجة ترضي ضميركم..فما كان منه إلا إنه قدم وكتب كل اسماء الجامعات اﻹقليمية بجانب جامعة باريس..
فكانت إرادة الله إن المنحة تيجيله ف جامعة باريس نفسها..سافر وعمل دبلومة والدبلومة بقت ماجستير والماجستير بقي دكتوراه..
فقدم رسالة الدكتوراه بتاعته عشان يعادلها ف مصر فقام الملحق الثقافي الفرنسي وقتها وكان الدكتور هاني هلال ورفض الرسالة رفض قاطع مبرر رفضه بإنها "لا ترقي لمستوي القسم"..رغم إنها كانت اول رسالة دكتوراه مصرية ف علم اكتشاف الكواكب ..
النهاردة..اللي بيتهته ده بقي من أهم علماء الجيولوجيا ف امريكا شغال ف مركز هيوستن التابع لوكالة ناسا ومعاه الجنسية اﻷمريكية..
ماسك مشاريع لناسا بميزانية مليار و200 مليون دولار بعد ما كان ماسك ميزانية تطوير معامل قسم الفلك ف كلية العلوم بميزانية 100 جنيه..
سنة 2003 راح يقدم بحث عن استخدام تكنولوجيا الرادار ف اكتشاف المياه ع كوكب المريخ فاختارته ناسا ودلوقت مختص عن تصوير الرادار ف معامل محركات الدفع الصاروخي بناسا واستاذ لعلوم الفضاء بجامعة باريس وبيشرف ع مشاريع استكشاف لكواكب المجموعة الشمسية..
هو ده عصام حجي اللي بيتم اتهامه بإنه احرج السيسي ف فرنسا ووصفه سيد علي بالسفيه وقليل اﻷدب ف الوقت اللي مصر منعت له محاضرة عن المناخ لكن ناسا بعتته يمثلها ف مؤتمر عالمي عن التغيرات المناخية...
هو ده عصام حجي اللي كل يوم مصر كانت بتبخر له حلم من احلامه وأب كان عاوز يامن مستقبل بنته مع واحد شايف إنه مالوش مستقبل بس امريكا فتحت له بابها اللي قفلته ف وشه مصر
هو ده عصام حجي اللي استهزأوا بيه وطلعوه مجنون عشان بيتهته ووظيفته يمشي ع السحاب والكواكب..ﻹنهم مبيعترفوش بعلماء غير عبعاطي كفتة
هي دي مصر اللي اختزلت اﻷمن القومي ف المنطقة الحدودية لقفا احمد موسي واﻹساءة لمصر ف اعتقال إسماعيل اﻹسكندراني بدل ما يستعينوا بخبرته وابحاثه وعشان يعاقبوه إنه كشف جرائم الجيش ف حق سينا ..
هي دي بلدنا اللي بتقتل احلامنا ..بكره هتلاقوا دعوات بتطالب بسحب الجنسية من عصام حجي وبمنع دخوله مصر ومش بعيد تلاقوه اخد حكم غيابي بتهمة تشويه سمعة مصر بره..
المجد لعصام حجي..المجد للسفيه المجنون قليل اﻷدب ولكل واحد بيعافر عشان يحقق حلمه ...





الرجوع الى أعلى الصفحة اذهب الى الأسفل
وثائق ويكليكس
استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفتن  :: منتديات الاخبار :: منتديات الاخبار :: اخبار مصر اليوم ( متجدد )-
لوحة الشرف لشهر نوفمبر 2016
217 عدد المساهمات
131 عدد المساهمات
82 عدد المساهمات
35 عدد المساهمات
26 عدد المساهمات
7 عدد المساهمات
5 عدد المساهمات
2 عدد المساهمات
2 عدد المساهمات
1 مُساهمة
جميع الحقوق محفوظة
جميع الحقوق محفوظة لـكل مسلم
منتديات الفتن® www.alfetn.org
حقوق الطبع والنشر © 2016

منتدى الفتن