منتدى اسلامي عام لأهل السنة والجماعة ويبحث في الفتن الحالية والمستقبلية وظهور المهدي وتحفيظ القرآن الكريم
 
الرئيسيةس .و .جالأعضاءالتسجيلدخول
                                                                                               
                                                                                                                                                                                             
                                
   
 
                                                                                                                                                                                                                                                                                                          

شاطر|

عصفور | عبدالله الشريف

استعرض الموضوع السابق استعرض الموضوع التالي اذهب الى الأسفل
كاتب الموضوعرسالة
أيم الله
عضو متألق
عضو متألق
avatar

الجنس : ذكر

عدد المساهمات : 1163


المشاركة رقم 1 موضوع: عصفور | عبدالله الشريف الأربعاء 01 يوليو 2015, 2:51 am





الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
أيم الله
عضو متألق
عضو متألق
avatar

الجنس : ذكر

عدد المساهمات : 1163


المشاركة رقم 2 موضوع: رد: عصفور | عبدالله الشريف الأربعاء 01 يوليو 2015, 3:53 am

أصل القصة لطير بيهاجر
فوق الوطن العربي يدور 
كان السرب بحاله مسافر
ورا بعضيهم كدة بالدور
سرب منظم كانه ضفاير
والقائد اسمه منصور
وكان فروخ صغير حاير
راح للقائد قاله يا عمي
أبويا إتوفى بعديه أمي
ونسر منشف ريقي ودمي
علشان ساكن فوقي بدور
إكمني ساكن في العشة
وهما حداهم فيلا وقصر ؟
قاله خلاص اتهمه يا ولدي
قول ان امك كانت مقتولة وان القاتل هو النسر
قال بس أمي ماتت بدري 
ونسر يادوبك جاي العصر
قاله ماهياش يعني حكاية 
انزل بينا نحاكمه فمصر
لما ضرير فالسجن سعادتك
والتهمة سنايبر قناصة
يبقى النسر هيفلت فكرك ؟
لابس لابس إلا لو واسطته رقاصة 
تحقيق ومحاكمة ومياصة
ممكن ياخد ست ايام 
لكن لو بيصلي ده رزقك
والله ما ياخد غير إعدام
والفروخ طاير متحير 
واللي بيتكلم منصور 
قاله انت اسمك ايه يا صغير
قاله يا عمي اسمي عصفور
قاله مكانك جنبي أكرملك خليك جار عمك منصور 
وطير ويايا يا ولدي هقولك عالمداري والمستور
--------------------------------------
فلحظة الجو قلب بغيام
صاروخين عدو قبل السرب يادوب بينهم مترين قدام
خاف عصفور وصرخ من خوفه
اجري يا عمي بسرعه أوام
منصور جاله يا واكل ناسك
علِّي جناحك فخر وعِزة 
دي فلسطين يلا ارفع راسك
والصاروخين طالعين من غزة
ولو دققت بعينك فيهم مكتوب توقيع القسام
واللي بيضرب ظابط وقته لما الوطن العربي ينام 
وكأنه بيقول بتهكم
والله ماتلزمنا مساعدتكم
ولا عايزين نبقى من العسكر اللي بتدوهم دولاراتكم
سدوا علينا بس قرفكم
فاللي يقولك ان حماس 
حركة عميلة اقتحمت سجن وسرقت عجل ولحمة راس
قوله عميلة علشان فضحت مين الخاين بين الناس
مين رافع هامة أمتنا ومين اللي بيعملها مداس 
شوف أنا مصري لكن ضافر مالرنتيسي 
وزنه عندي بأمة بحالها ماللي بتعبد عجل السيسي
عمر زعامة الأمة يا ولدي ماهتبقى فيوم للخاينين
واللي يزايد واللي يعارض ويقول رايح يمدح مين ؟ 
قول دول دمك عرضك همك أقرب ناسك وولاد عمك
واللي يقولك طب مين عمك قوله عمي اسمه يس
شيخ الشهدا صورته وسيرته شاهده عليكوا ليوم الدين
ويا ريتهم سلموا يا عصفور
كل لسان بيزن عليهم لدغته اقوى مالدبور
ربك حافظ ليهم واحنا لازم نمشي قبل النور 
طير ويايا يا ولدي هقولك عالمداري والمستور
--------------------------------------
قبل الفجر ماينشر نوره
كان منصور حلق بطيوره 
فوق أرض عتيقة وليها سور
عصفور قرب من منصور
قاله يا عمي لون الأرض دي يشبه دمي
ليه الدم ماليها بحور
كل بيوت الخلق اتهدت واللي انا شايفه بس قبور
منصور قاله تلات أعوام نفس اللقطة والمنظور
دلوقت احنا فقلب الشام واللي شايفها دير الزور
والعالم شايف ومطنش يحكم خاين ولا يغور 
اللي اديه فالمية ياولدي مش زي المنقوع في النار
وروسيا بتعلف أي حمار
مرة فمصر تسميه سيسي
وفسوريا تسميه بشار
والبشار يدي الطيار يرمي الخاين مالطيارة
البرميل ينزل في الحارة
مايخليلها أي أمارة
واللي يكيدك انه بيرمي 
كانه بيرمي عقب سجارة
يقتل شيخ أو يدبح عيل
مابيعملش أي إشارة
ييجي ويخطف عمرك أول
بعدين تسمع صوت الغارة
البراميل خضت عصفور 
وشاف الموت على عينه بيتخير وبيلقط
وشاف الست مالحسرة على الراجل
ايدين عالخد بتخبط
وشاف البت مالشبيح بتتربط
وكان سامع حياها الحر بيسوط
ولدها الموت حضن عمره 
وكان الدم من جرحه على عينه بيتنقط
وكات عينه قبال أمه
ماتعرف عينه ولا الجرح بيعيط
بكى منصور
وقاله الجرح يا عصفور مصيره فيوم هيتخيط
تعالى وبص يا عصفور
رجال هٓبوا عشان يتصدوا للظالم بقلب جسور
حلب والغوطة وفإدلب
ويشهد جسر وياهم على الشغور
ومش راح يبقى للإجرام في قلب الشام أثر مذكور
حافظهم ربي يا عصفور 
ولف جناحه عالمية وكان سربه معاه بيدور
وكان راجع على داره وبيردد كلام مشهور 
طير ويايا يا ولدي هقولك عالمداري والمستور
--------------------------------------
كان الجو هدوء في هدوء
وكان الندى نازل على ريشهم 
لما تشوفه تحسه وضوء
منصور ميل على عصفور
قاله وجودك جاري يا ولدي 
دلوقتي ماهواش مطلوب
ارجع اخر السرب وحاسب
الغدر فبنغازي بيحصد اللي يحاسب والمحسوب
مات معمر بس كلابه
رافعة سلاحها ورافضه تتوب
عصفور لسه بيعدل روحه 
لقى مدفع وكمين منصوب
وضرب النار طالع نواحيهم 
زي كأنه مطر مقلوب
اللي بيضرب حفتر ليبي
طلقة نحاس وياها مطاط
بس بارودها بختم المصري
وتمنها كاش مالإمارات
جات الطلقة بين جناحين عمك منصور
اخد الطلقة محطش منطق 
وساب الطير في السما منشور
صرخ عصفور على عمه وقال المولى يلعنكم
لو فاكرين لسان منصور بموته راح يستركم 
فمهما تداروا في امبارح هيطلع بكرة يفضحكم
ولو منصور كلامه كان بيوجعكم فانا عصفور
من اليوم ده انا لأ اللي كارهينها
وانا الكلمة اللي حارقاكم وحابسينها 
وانا الفاس اللي راح يحفر جرايم كنتوا رادمينها 
انا السم اللي في الطفحة اللي ناهبينها
انا منصور 
وكل السرب راح يبقى كمان منصور
فجه فروخ صغير يسأل 
ايه حوالينا يا ناس بيدور
قام عصفور اتقدم سربه
وقاله تعا لعمك عصفور
وطير ويايا يا ولدي هقولك
عالمداري والمستور




الرجوع الى أعلى الصفحة اذهب الى الأسفل
معاينة صفحة البيانات الشخصي للعضو
عصفور | عبدالله الشريف
استعرض الموضوع السابق استعرض الموضوع التالي الرجوع الى أعلى الصفحة
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتدى الفتن  :: المنتديات العامة :: المنتديات الادبية :: واجهة الادب-
لوحة الشرف لشهر مارس 2017
1718 المساهمات
323 المساهمات
203 المساهمات
93 المساهمات
70 المساهمات
63 المساهمات
47 المساهمات
40 المساهمات
35 المساهمات
21 المساهمات
جميع الحقوق محفوظة
جميع الحقوق محفوظة لـكل مسلم
منتديات الفتن® www.alfetn.org
حقوق الطبع والنشر © 2017

منتدى الفتن